Er acòrd se concretarà per miei d’un convèni de collaboracion entre eth Govèrn aranés e eth Departament d’Educacion, que se harà cargue deth finançament dera òbra entà mielhorar es espacis e es servicis que prèste era Escòla. Era Generalitat descarte, ara fin, eth bastiment d’ua naua planta.

Eth sindic, qu’a assegurat qu’es dependéncies se tròben en ua situacion “precària”, a afirmat qu’eth Conselh e era Generalitat trabalhen entà començar era reforma “abantes der inici deth pròplèu cors”. “Entath Govèrn aranés, ei plan important mielhorar es condicions dera Escòla d’Ostalaria de Les entà garantir qu’eth centre seguisque estant ua referéncia”, segontes Boya.

Atau madeish, eth Departament de Trabalh cedirie ath Conselh era bastissa dera residéncia de Les, a on compartís espaci damb era Escòla, a cambi der inici dera reabilitacion integrau deth centre per part d’Educacion.

Amassada. Amassada.