Aguesta figura, qu’existie a compdar deth sègle XIII, susvelhe era actuacion des diferentes administracions d’Aran e l’assumirie dirèctament eth Sindic de Grèuges de Catalonha, qu’aufrirà ua vision singularizada de susvelhança atenudes es especificitats der autogovèrn aranés.

D’aguesta forma, eth Proòm transferirà ath Conselh Generau d’Aran un informe annau que recuelhe era situacion des quèishes trametudes que hèsquen referéncia as diferentes administracions dera Val. Tanben se contemple era possibilitat d’assistir tà un plen deth Conselh per part deth Proòm, tà pr’amor d’expausar damb detalh er informe nomentat e debater-lo.

Entà garantir er usatge dera lengua pròpria d’Aran, era edicion des materiaus deth Proòm qu’agen a veir damb Aran s’elaboraràn en aranés, atau coma tanben s’efectuarà era atencion presenciau e telefonica en aranés a toti aqueri que s’adrecen ath Proòm e ac demanen.

Pera sua part, eth sindic d’Aran poirà adreçar-se ath Proòm tà pr’amor d’expausar-li aqueri ahèrs que tanhen as competéncies pròpries e damb relacion ath Govèrn dera Generalitat o quinsevolh des sòns departaments.

Francés Boya e Rafael Ribó. Francés Boya e Rafael Ribó.