Eth conselhèr de Torisme, Comèrç e Transpòrt, Juan Antonio Serrano , a declarat que “entàs territòris petits coma Aran, internèt s’a convertit en un esturment massiu accessible entà posicionar-se toristicament”. Atau coma avale er estudi deth Plan de Desestacionalizacion, er hilat a devengut era principau hònt d’informacion entàs toristes qu’escuelhen era sua destinacion. Er estudi emplace ara “mielhora dera preséncia on line dera destinacion d’Aran en toti es nivèus, perque era informacion, promocion e comercializacion on line son cada còp mès importantes entara captacion eficaça de public en encastre internacionau”.

Eth nau contracte se desvoloparà en tres fases, que contemplen era adaptacion dera web de torismearan.org as naui productes e naui requeriments de demanda; eth desvolopament de webs especializades des productes de BTT, senderisme e benèster en montanha; e campanhes de marqueting on line. Damb era adaptacion dera web, se revisaràn era estructura e es contenguts, se garantiràn es contenguts en aumens tres lengüens estrangères (anglés, francés e aleman), se dessenharà ua naua imatge e se posicionarà enes principaus moturs de recerca deth consumidor.

Tanben ei previst de crear tres naui portaus webs especializadi entà cada producte qu’a de perméter era desestacionalizacion deth torisme aranés. Es webs definiràn era sua estructura e eth modèl de navegacion. En darrèr lòc, se meteràn en marcha campanhes de publicitat en portals especializadi a nivèu de producte (enes mercats emissors prioritaris seleccionats).

BTT pòrt montanha. BTT pòrt montanha.