Eth Govèrn d’Aran aportarà ua subvencion de 50 èuros as alumnes de 5au e 6au de Primària, perque son es prumèri de tota Catalonha en corsar diuèrses assignatures de forma digitau. D’aguesta forma, se redusirà era aportacion des pairs e mairs ena crompa des portàtils. Ath delà, eth Conselh Generau subvencione ath 100 % era crompa de toti es libres de tèxte editadi en aranés.
Eth sindic d’Aran, Francés Boya, qu’a visitat er Institut d’Aran e eth CEIP Garona amassa damb era cap de Cultura e Politica Lingüistica, Maria Vergés , a declarat que “eth Conselh a volut èster pionèr ena substitucion de libres per ordinadors, perque èm dauant ua oportunitat entà garantir eth futur der aranés e introdusir non sonque es naues tecnologies enes aules, senon tanben naues formes d’aprenedisatge, mès dinamiques e interactives”.
Eth Conselh apòrte ua subvencion entà aquerir es portàtils. Eth Conselh apòrte ua subvencion entà aquerir es portàtils.
