15 ans pera lengua, dera Fondacion, ei era exposicion ampliada qu’eth collectiu Lengua Viua mostrèc en 2008 damb motiu deth 15au aniversari dera corsa Aran per sa Lengua. Coma nauetat, s’expausen es darrères accions qu’eth collectiu e era societat aranesa an desvolopat a favor dera lengua, coma eth bastiment dera escultura ara lengua e cultura aranesa, òbra d’Andrè Ricard, ena plaça deth Conselh Generau.

Era exposicion produsida per Musèus dera Val d’Aran e er airau de Politica Lingüistica, nomentada Aran, ua val que parle occitan, hè un recorrut istoric der aranés – occitan d’ençà des trobadors enquiara epòca d’internet damb especiau rebrembe des Normes Ortografiques der Aranés, promulgades en 1983, sus es quaus se projècte un documentau audiovisuau.

Tanben s’aufrís ua explicacion sus era situacion sociolingüistica e normativa der aranés des deth punt d’enguarda deth sòn usatge sociau e dera sua normalizacion coma lengua oficiau enes institucions publiques e ena escòla, e coma lengua presenta ena activitat socioeconomica e enes naues tecnologies.

Eth Conselh e era Fondacion deth Musèu Etnologic mòstren andues exposicions sus era lengua. Eth Conselh e era Fondacion deth Musèu Etnologic mòstren andues exposicions sus era lengua.