Segontes er acòrd, eth departament de Sanitat e Servicis Sociaus deth Conselh Generau, responsable dera execucion dera òbra, velharà peth compliment des condicions materiaus e funcionaus segontes era normativa vigenta e perqué s'adeqüen tant eth projècte constructiu coma eth projècte funcionau.

Era conselhèra de Sanitat e Servicis Sociaus, Noelia Costa, s'a mostrat satisfèta pr'amor que "s'a dat un pas mès ena bona collaboracion entre andues administracions ena prestacion eficaça des sòns servicis publics en compliment damb eth traspàs de competéncies e servicis dera Generalitat en matèria de servicis sociaus, en concrèt dera gestion dera residéncia geriatrica". Costa a explicat qu'er acòrd ei frut dera "volentat d'andues parts entà establir ua coordinacion interadministrativa mentre non se hèsque efectiu eth desplegament dera lei de Servicis Sociaus", aprovada en octobre de 2007.

La consellera amb el Síndic d'Aran. Eth Conselh e era Generalitat barren un acòrd tà finançar eth geriatric Sant Antòni