Aquest és el comunicat del síndic d'Aran:

COMUNICAT DETH SINDIC D'ARAN

Eth sindic d'Aran, Francés Boya, manifèste en nòm deth Conselh Generau d'Aran qu'eth govèrn aranés non se'n cansarà de reiterar era sua fèrma volentat e exigéncia entà qu'Aran demore ath marge dera organizacion territoriau qu'establisque era Generalitat de Catalonha. Entath Sindic, eth respècte e eth reconeishement estatutari ath regim juridic especiau consagre era organizacion institucionau e administrativa d'Aran dehòra dera division de Catalonha en vegueries.

En aguest sens, Francés Boya afirme qu'ara mès que jamès eth govèrn catalan a era obligacion de garantir era autonomia aranesa dauant des polemiques e es confusions ath torn dera naua distribucion territoriau, pr'amor que non sonque serie un acte de coeréncia damb eth compromés public contrèt pes conselhèrs de Governacion d'aguesta legislatura, senon un deuer damb eth critèri der Estatut d'Autonomia de 2006, qu'empare era autonomia, e eth manteniment deth pacte politic damb es ciutadans d'Aran, que l'an defenuda ath long des sègles.

Ath delà, eth Sindic considère que non a sentit qu'eth Conselh Generau d'Aran, qu'exercís lèu totes es foncions dera Generalitat en Aran, se veigue sosmetut a un encastre territoriau que suberpasse eth sòn marc territoriau especific. Segontes era lei de regim especiau, aguest non pòt demorar includit en cap de division territoriau pròpria de Catalonha que non sigue eth madeish.

El síndic d'Aran, Francesc Boya. El síndic d'Aran, Francesc Boya.