Eth Sindic a soslinhat que, “a despièch des incomprenences, era caça ei un element clau entath manteniment e er equilibri des ecosistèmes des nòstes montanhes”. Per aguest motiu, considère que cau estacar “collaboracions estretes” entre eth Conselh Generau e es Societats de Caça e Pesca entà organizar eveniments d’aguest tipe e d’autes activitats relacionades que donguen valor hijut ara economia toristica.

Era hèira a lòc aué e deman, ena plaça deth Conselh, en Vielha, e ena sala polivalenta de Salardú. Es organizadors preven ua afluéncia nombrosa de public, degut as bones condicions climatologiques e ath nombre de toristes que visiten aguesti dies era Val.

Caçaran 09 aufrís exibicions d’aus rapaces e de cans de caça, atau coma activitats ludiques, coma eth tir ar arc, era pesca recreativa infantil e exposicions d’articles de caça. Parallèlament, es aimants dera bona gastronomia pòden gaudir des II Jornades Gastronomiques dera Caça, que se celèbren enquia deman. I participen es restaurants Era Bòrda (Betren), Era Mòla (Vielha), Er Esquirò (Vaquèira), Es Pletieus (Escunhau), Hosteria Catalana (Bossòst), La Bóveda (Betren), La Tarteria (Garòs), Parador de Vielha, Pollo Loco (Arties) e Zurbaran (Bossòst).

‘Caçaran 09’ , era hèira aranesa sus era cinegetica. ‘Caçaran 09’ , era hèira aranesa sus era cinegetica.