Eth Conselh a concludit aguesta setmana es trabalhs que comencèren er 1 de junh e qu’an permetut de condicionar es carretères e camins en tot retirar era vegetacion des cunetes e tot tipe de materiau qu’afectaue eth viau. Damb aguesta campanha, s’a podut mielhorar era visibilitat des vies e facilitar era accessibilitat des sòns usatgèrs enes municipis dera Val d’Aran.

Segontes es servicis tecnics deth Conselh Generau, era limpiesa vegetau des accèssi as nuclèus abitats e des pistes forestaus asfaltades aurà suposat ua inversion de 120.500 èuros, e era limpiesa des camins vesiaus ascendirie as 100.800 èuros, damb er IVA includit en andús cassi. Enes carretères entàs pòbles, s’an efectuat dues passades entà garantir-ne era limpiesa totau.

Trabalhs de neteja ena carretèra d’Aubèrt Trabalhs de neteja ena carretèra d’Aubèrt.