Mès d’un centenat de persones i participen. Ager comencèc eth blòc especific de tercer nivèu (grad superior) d’esquí aupin, qu’impartissen es professors Enrique Ballestero e Enrique Lacasa, er entrenador dera Federacion Noruega d’Esquí Aupin, Björn Mhyre, er skiman dera Copa deth Món d’Esquí, Roberto Sarti, er entrenador nacionau d’Esquí Aupin, Rafa Sanmartí, e eth professor d’ETEVA Enric Jiménez, sotscampeon d’Espanha d’esquí-cross, entre d’auti. Aguesta dusau promocion de tecnics superiors dera ETEVA finalizarà es sòns estudis en mes d’abriu.

A compdar deth 17 de març s’inicien es pròves de Nauta Montanha. Ueit alumnes participaràn ena formacion d’escalada en gèu, que serà impartida per Sergi Gasa, Jonatan Larrañaga e Oriol Baró, maxims exponents dera especialitat. Ath delà, s’a daurit eth termini de matricula dera formacion de prumèr nivèu ens Aups Francesi entar ostiu. Es places son limitades. Tanben ei dubèrt eth plaç de matricula dera naua formacion de guarda de refugi que se realizarà en mes de mai.