Era jornada a servit entà méter en contacte as agents impulsors des diuèrses iniciatives e establir un dialòg entre es responsables des projèctes, atau coma possibilitar era dinamizacion conjunta des experiéncies enes territòris de montanha. Tanben s’an presentat un seguit d’experiéncies demostratives de comercializacion des productes.

Eth sindic d’Aran, Francés Boya; eth director des Servicis Territoriaus deth DAR en Naut Pirenèu e Aran, Josep Escales; e eth director der IDAPA, Arcadi Castilló, an presentat era jornada, qu’a dat pè a diuèrses activitats. Era clausura a anat a cargue deth sotsdirector generau d’Innovacion Rurau, Jaume Sió; e eth director – coordinador deth programa de produccion ecologica e bioenergia der IRTA, Simó Alegre.

S’a tractat era potencialitat tant economica coma biologica en referéncia ara elaboracion de sidra e chuc aranés. Tanben s’a hèt ua prospeccion des frutèrs de varietats antigues deth Parc Naturau deth Cadí – Moixeró, e es participants an podut conéisher eth projècte de recuperacion de frutèrs e vinha en Pallars Sobirà atau coma era experiéncia d’ua finca en Llesp laguens deth programa Ribagorça Romànica.

Es varietats locaus en airau dera restauracion e era elaboracion de chucs Ruravitàlia s’an presentat, ath delà, en aguesta jornada plan participada per persones provenentes de diuèrsi punts deth Pirenèu.

Boya, Escales e Castilló an presentat era jornada. Boya, Escales e Castilló an presentat era jornada.