Es originaus an d’èster inedits e escrits en occitan, en tot respectar era normativa ortografica establida per Institut d’Estudis Occitans (IEO). Per prumèr còp, s’elimine eth limit d’edat, de manèra que poiràn presentar-se toti es interessadi, mès enlà des menors de 35 ans, atau coma s’auie fixat enquia ara. Eth tèrme de presentacion finalize eth sies de març e eth prèmi compde damb ua dotacion de 5.000 èuros.
Er IEI estudie era possibilitat d’autrejar eth prèmi de raconte en occitan tanben ena Val d’Aran o en d’auti parçans der encastre occitan entà pròplèus edicions, atau coma a anonciat Joan Busqueta. Pera sua part, Maria Vergés a significat eth trabalh amiat a tèrme per IEI a favor der aranés/occitan “de manèra desinteressada quan er aranés non ère encara oficiau en tota Catalonha”.
Joan Busqueta i Maria Vergés El director de l´Institut d´Estudis Ilerdencs (IEI), Joan Busqueta, i la responsable de Cultura i Política Lingüística del Conselh Generau, Maria Vergés.Foto: Conselh Generau.
