Entà ua convivéncia enes Pirinèus, organizada laguens dera campanha de sensibilizacion e educacion ambientau amiada peth departament de Miei Ambient dera Generalitat en collaboracion damb eth ministèri de Miei Ambient. Eth conselhèr a manifestat en aguest sens que calerà “convertir era menaça qu’enquia ara s’auie considerat er os en ua oportunitat toristica entà trèir-ne es valors positius”, en tot profitar eth valor hijut que pòt aportar era preséncia deth plantigrad ena Val d’Aran per miei de projèctes coma eth Parc de Visualizacion dera Fauna deth Portilhon.

A despièch de que s’a coincidit en remercar “er error iniciau de reintroduir er os sense consens e d’esquies ath territòri”, es ponents Guillermo Palomero, dera Fundación Oso Pardo, e Belarmino Fernández, alcalde de Somiedo (Astúries), an explicat qu’era coabitacion damb er os ei possible e qu’aguesta apòrte mès auantatges qu’inconvenients pr’amor qu’er sua preséncia supòse ua mèrca de qualitat ambientau. Segontes Palomero, “er os ei un actor deth desvolopament rurau” que, en tot reforçar es mesures preventives entà esvitar es danhs, pòt devier entà Aran un recors mès d’atractiu toristic e mieiambientau.

Imatge de la reunió. Imatge de la reunió.