Atau ac an anonciat eth sindic Francés Boya e eth director generau de Pòrts, Aeropòrts e Còstes dera Generalitat, Oriol Balaguer, en ròda de premsa. Totun, er aeropòrt “daurís ua naua etapa” enes comunicacions damb eth Pirenèu e en impuls dera economia locau, segontes Balaguer.

Andús s’an referit tanben ara possibilitat qu’Aran acuelhe er altipòrt qu’eth Plan d’Aeropòrts de Catalonha a previst de bastir per prumèr còp. Per aguest motiu, s’a constitusit un grop de trabalh entre era Generalitat, eth Conselh Generau e empresaris toristics ena definir era viabilitat de plaçar en Aran ua infraestructura d’aguestes caracteristiques, qu’eth Govèrn catalan ve damb boni uelhs. En aguest sens, eth Conselh a encomanat un estudi tecnic qu’analisarà es lòcs mès avienti d’ubicacion d’un equipament que, segontes eth director generau, “permet er accés d’un torisme de qualitat”.

Francés Boya e Oriol Balaguer Eth sindic Francés Boya e eth director generau de Pòrts, Aeropòrts e Còstes dera Generalitat, Oriol Balaguer.