Er Ajuntament de Bossòst limitarà er orari deth mercat setmanau

Societat

Er equip de govèrn der Ajuntament de Bossòst proposarà ath plen dera corporacion, qu’aurà lòc aguest diuendres, era aprobacion d’un acòrd entà establir er orari e es condicions pes quaus se regule eth mercat setmanau. D’aguesta forma, eth mercat seguirà era sua activitat cada dimèrcles, mès damb un orari de 8.00 h a 14.00 h, en tot auer arremassat era parada abantes des 15.00 h. Es comerçants seràn obligadi a deishar er entorn atau coma l’an trobat abantes deth sòn plaçament.

ARA A PORTADA

Redacció

Publicat el 27 de setembre de 2011 a les 18:48

Eth Tinent d’Alcalde, Amador Marqués, a explicat que “atau com passe dejà en lèu toti es pòbles, auem volut concentrar era activitat deth mercat pendent eth maitin, qu’ei quan mès afluéncia recep, e establir ues condicions d’equilibri damb eth modèl comerciau de Bossòst e de respècte ar entorn e ara via publica, qu’era màger part de comerçants ja complís”.