Ara a estat eth torn dera presentacion d’un libre entà “aumenatjar eth trabalh e er esfòrç d’un pialèr d’aranesi que pendent 35 ans a lutat pera cultura aranesa per miei des sues musiques, cançons e dances tradicionaus”, atau coma escriu era sua responsabla, Angelina Cases, ena òbra editada pera Deputacion de Lhèida.

Era presentacion deth libre 3au Aniversari. Còlha Santa Maria de Mijaran a compdat damb era assisténcia de fòrça des sòns antics e actuaus membres, e i an intervengut eth sindic d’Aran, Francés Boya, eth vicepresident 4au dera Deputacion, Joan Riu, era cap de Cultura deth Conselh Generau, Maria Vergés, e en representacion dera Còlha, Angelina Cases e Dolores Beso, que n’a hèt ua ressenha istorica e ua explicacion detalhada de cada dança tradicionau (Es Aubades, Eth Puntet, Era Pòlka Piquè, Es Esclòps, Era Morisca). Eth libre recuelh un compèndi de fòtos d’ençà deth sòn començament enquia era actualitat.

Era còlha Santa Maria de Mijaran celèbre eth 35au aniversari damb un libre commemoratiu. Era còlha Santa Maria de Mijaran celèbre eth 35au aniversari damb un libre commemoratiu.