Er acte a servit entà hèr era presentacion deth canal Hèm TV (www.hemtv.xiptv.cat), ara en pròves. Aguesta plataforma serà gestionada peth Conselh Generau, ja sigue de forma dirècta o ben per miei d’ua productora. Eth Departament de Cultura e Mieis de Comunicacion contribusirà ath finançament deth projècte damb ua aportacion totau de 300.000 èuros en tres ans.

Dera sua part, era CCMA balhe assessorament tecnic e se compromet a liurar contenguts dobladi en aranés entara sua difucion en canal. Eth protocòl signat damb era XAL permet hèr us dera plataforma www.xiptv.cat, qu’acuelh en nau canal en aranés.

Eth sindic d’Aran, Francés Boya, a arregraït eth supòrt dera Generalitat e deth secretari de Comunicacion, Carles Mundó, un des principaus impulsors deth projècte. Boya a saludat era metuda en marcha deth canal, perque “supòse ua oportunitat entà arrefortir era produccion audiovisuau en aranés, hèr television propèra entà Aran e contribusir ara promocion lingüistica ena rèsta deth territòri occitan”. Totun, “ei un esturment qu’a d’ajudar a garantir eth futur dera lengua”.

Se formalize tanben un protocòl damb era XAL. Se formalize tanben un protocòl damb era XAL.