Eth vicesindic e conselhèr de Torisme deth Govèrn aranés, Juan Antonio Serrano, a destacat era “importància de méter-mos en contacte damb es empresaris israelians”, pr’amor que “Israèu ei un mercat fòrça potent que ja a començat a dar es sòns fruts en parçans coma era Val d’Aran e qu’era rèsta deth territòri pirenènc avalòre coma potenciaument important”.

Ath delà des touroperadors israelians, Portugau, França, Benelux e era rèsta d’Espanha son es auti mercats d’a on provien es compradors. Pendent era jornada, es empresaris toristics des Pirenèus an mantengut mès de 1.000 entrevistes personalizades damb es diuèrsi agents toristics estrangèrs entà presentar e facilitar era comercializacion des sòns productes.

Er objectiu principau deth Workshop Pirenèus ei motivar as operadors e agents de viatges entà que programen era zòna pirenènca e qu’aqueri qu’ac hèn, n’amplien era ofèrta. Segontes es donades der Observatòri de Torisme de Catalonha, uns 2 milions de toristes visitèren en 2009 es Pirenèus.



Ath delà de Juan Antonio Serrano, era jornada a compdat damb era preséncia deth director dera Agéncia Catalana de Torisme, Ignasi de Delàs; eth gerent deth Patronat de Torisme dera Deputacion de Lleida, Àngel Vidal; era directora deth Patronat de Torisme Còsta Brava Girona, Dolors Batallé; era Cap dera Oficina de Promocion Toristica dera Deputacion de Barcelona, Anna Sánchez; e era Cap deth Servici d’Accion Comarcau de Politica Territoriau (PTOP), Lourdes Feixa.

Abantes dera trobada d’aué, es touroperadors an hèt viatges de prospeccion entà conéisher era ofèrta deth territòri en torisme culturau, actiu – natura e salut e benèster. Es representants catalans participèren ager en ua session de formacion centrada enes esturments de comercializacion on line.

Era Val d’Aran a acuelhut aué era setau edicion deth Workshop Pirenèus. Era Val d’Aran a acuelhut aué era setau edicion deth Workshop Pirenèus.