Era amassada a servit entà méter en comun es punts der articulat de prepausa de lei que toti tres compartissen e que representen era màger part deth redactat. Entre aguesti, destaquen era volentat de mantier Aran en sòn encastre territoriau, atau coma de blindar es competéncies dera maxima institucion e de garantir era sostenibilitat deth sistèma de finançament e deth desplegament der autogovèrn enes pròplèu ans per miei dera creacion, enes pressupòsti dera Generalitat, d’un hons de cooperacion economica damb eth Conselh Generau.

Entà pr’amor de barrar un document de consens, es grops s’an emplaçat entà amassar-se era pròplèu setmana en ua convocatòria de caractèr politic, a on se tractaràn es ahèrs pendents de resòlver, coma era possibla reforma deth règim electorau. Eth sindic Francés Boya, que n’a hèt un balanç positiu, a hiscat a “seguir entà dauant damb eth consens de besonh entà presentar ua votz unida e fòrta dauant es institucions catalanes” e s’a mostrat partidari d’entregar a curt tèrme era prepausa consensuada entà pr’amor d’assegurar era sua aprobacion pendent era legislatura vigenta, en tot dar compliment ath mandat estatutari.

Es grops deth Conselh Generau d’Aran. Es grops deth Conselh Generau d’Aran.