Atau madeish, era populacion e es convidats e autoritats an podut gaudir d’un aperitiu aufrit peth madeish Còs en Parc de Pompièrs de Vielha, a on s’an autrejat es prèmis deth torneg de fotbòl (prumèr prèmi entàs Pompièrs , dusau entara Guàrdia Civiu, tresau entàs Mòssos d’Esquadra e quatau entara Policia Nacionau).

Eth sindic d’Aran, Francés Boya, a reconeishut en sòn parlament eth prètzhèt des Pompièrs d’Aran perqué “aufrissen un servici public imprescindible qu’ei de besonh de melhorar plan enes pròplèu ans”. Per aguest motiu, a assegurat qu’eth nau acòrd de collaboracion qu’eth Conselh Generau signèc era setmana passada damb eth Departament d’Interior dera Generalitat servirà entà encarar damb garanties es “naui rèptes” ena prestacion deth servici de sauvaments e escandiment de huecs, entath quau era maxima institucion receberà mès d’1,2 milions d’èuros pendent 2009.

En virtut deth convèni, era Val d’Aran serà considerada ua unitat foncionau de caractèr especific en coordinacion dirècta damb eth centre d’emergéncies dera direccion generau de Prevencion, Escandiment de Huecs e Sauvament en Barcelona.

Es Pompièrs Es Pompièrs.