Era inversion globau ascendís as 2,8 milions d’èuros, que se multiplique de forma considerabla respècte dera destinada enquia ara, en tot passar des 500.000 èuros annaus as 1,4 milions previsti per an.

Es òbres consistissen en condicionament e mielhora des carretères d’accès entà 15 pòbles dera Val d’Aran, enes trams de Canejan, Bausen, Benós e Begós, Arró, Vilamòs–Arres, Arres de Sus, Arres de Jos, Arròs, Aubèrt–Vila, Vila–Arròs, Betlan, Montcorbau, Mont, Casau, Bagergue.

Damb aguest projècte, eth Govèrn cerque mielhorar es drenatges, consolidar es explanades e eishamplaments, estabilizar es talussi, refortilhar es paviments o rebastir-les, se cau, e mielhorar era seguretat viau des carretères locaus. En generau, se respectarà eth traçat actuau des vies, mès se mielhorarà era visibilitat des trams mès dangerosi.

Eth sindic Francés Boya, qu’a qualificat eth plan de “fòrça ambiciós”, s’a referit ath besonh de possar “un projècte d’aguestes caracteristiques per’mor dera amplada limitada des nòstes carretères e entà garantir es optimes condicions d’accès en tot arrefortir era seguretat e minimizar es possibles impactes mieiambientaus”.

Fòto dera mielhora dera carretèra de Gausac en 2007–2008. Fòto dera mielhora dera carretèra de Gausac en 2007–2008.