Es trabalhs, que començaràn aguesta tardor, afècten a 15 pòbles dera Val d’Aran, enes trams comprenudi de Canejan, Bausen, Benós e Begós, Arró, Vilamòs – Arres, Arres de Sus, Arres de Jos, Arròs, Aubèrt – Vila, Vila – Arròs, Betlan, Montcorbau, Mont, Casau e Bagergue.

Aguesta naua licitacion seguís damb era campanha desvolopada entre 2007 e 2008, que consistic ena formacion de cunetes hormigonades, reparacion d’òbres de drenatge, reparacion de paviments e plaçament de barrères biona. Damb aguest nau plan, “fòrça mès dimensionat”, segontes Martínez, eth Govèrn cerque mielhorar es drenatges, consolidar es explanades e eishamplaments, estabilizar es talussi, refortilhar es paviments o rebastir-les, se cau, e mielhorar era seguretat viau. Tanben, s’assolidaràn es trams de camin que presenten pejors condicions, se repararàn parets e se plaçaràn barrères de seguretat.

Eth conselhèr Rufino Martínez s’a referit ath besonh de possar “un plan d’aguestes caracteristiques per’mor dera amplada limitada des nòstes carretères e entà garantir es optimes condicions d’accès en tot minimizar es possibles impactes mieiambientaus”. En generau, se respectarà eth traçat actuau des vies, mès se mielhorarà era visibilitat des trams mès dangerosi.

Accès entà Gausac, mielhorat en 2007. Accès entà Gausac, mielhorat en 2007.