Un an mès, eth Conselh Generau d’Aran, per miei dera sua Oficina de Joenessa (www.joenessa.org), aufrís assessorament entà obtier es ajudes entara mobilitat e eth desplaçament des estudiants d’Aran e eth Pirenèu, autrejades pera Secretaria d’Universitats e Recerca deth Departament d’Economia e Coneishement dera Generalitat. Ne pòden èster beneficiaris es estudiants que complissen es requisits que seguissen:
 
Requisits generaus:
1. Auer era nacionalitat espanhòla o de bèth estat membre dera Union Europèa. En cas des estudiants estrangèrs non-comunitaris an d’acreditar era sua condicion de residents.
2. Demorar en ua des set comarques: Aran, Alt Urgell, Alta Ribagorça, Cerdanya, Pallars Jussà, Pallars Sobirà e Solsonès, coma minim des der 1 de gèr de 2008.
 
Requisits academics:
1. Èster matriculat en ua universitat catalana (cors 2010-2011), en uns estudis encaminats ara obtencion d’un títol oficiau.
2. Èster matriculat en uns estudis que s’impartisquen de manèra presenciau.
3. Èster matriculat, eneth cors actuau de:
- Un minim de 60 crèdits ena matricula per cors complèt en estudis de grad o 55 ena rèsta d’estudis.
- Un minim de 30 crèdits ena matricula semestrau en estudis de grad o 27,5 ena rèsta d’estudis.
4. Auer despassat eth 80% des crèdits matriculadi en cors anterior o deth darrèr cors corsat en ensenhaments non-tecnics e eth 60%, en cas des ensenhaments tecnics (sonque en cas des persones sollicitantes que non inícien per prumèr còp estudis universitaris eth cors 2010-2011).
5. Demoren excludits d’aguesta convocatòria es persones qu’agen bèra titulacion universitària superiora e es persones qu’agen era independéncia familhara e economica dera sua unitat familhara.
 
Requisits economics:
Cau non depassar pas es limits de renda familhara disponibla e de patrimòni establidi.
Er impòrt maximon entà cada ajuda serà de 2.000 èuros.
Entà que cap de joen dera Val d’Aran se quede sense poder participar en aguesta convocatòria, eth Conselh Generau d’Aran facilitarà era tramitacion dera documentacion d’aguesta linha d’ajudes.
 
Entà sollicitar aguestes ajudes se pòden adreçar tara Oficina de Joenessa damb cita per aunça, plaçada en Avenguda Garona 27, en orari d’atencion ath public: deluns, dimèrcles e diuendres de 10:00 a 15:00 ores, dimars e dijaus de 10:00 a 13:00 e de 15:00 a 18:00 ores. Tel: 973642560