I an assistit eth sindic d’Aran, Francés Boya, e eth vicesindic 1èr e conselhèr d’Administracion Publica e Finances, Rufino Martínez, per part eth Govèrn aranés, e eth director generau d’Actuacions Estrategiques e Politica deth Solèr, Joan Llort, en representacion dera Generalitat.

Eth Plan Director urbanistic ei un esturment que detalharà e concretarà entàs nau municipis d’Aran es directritzes includides en Plan territoriau de Naut Pirenèu e Aran deth Departament de Politica Territoriau e Òbres Publiques, aprovat en 2006.

Eth Plan Director d’Aran definirà es airaus mès avients entath desvolopament urban, protegirà es espacis mès valurosi e es elements paisatgistics emblematics e precisarà es resèrves de solèr de besonh entàs infraestructures deth futur. “Devierà atau un esturment de coordinacion deth planejament urbanistic entre es municipis aranesi”, atau coma a persutat eth conselhèr Rufino Martínez, entà qui eth plan “ei un besonh entà mantier e mielhorar eth benèster des ciutadans e er equilibri deth territòri, en tot esvitar ua urbanizacion excessiva que pogue mauméter en futur eth paisatge, un des atractius economics mès importants, atau coma ipotecar es possibilitats d’un profitament toristic mès racionau e un modèl de progrès mès durable”.

Eth Plan Territoriau contemple dejà er establiment d’estratègies de creishement miei entà Les e Bossòst, perque son es dus nuclèus qu’an major resèrva de solèr planèr deth país. Per aguest motiu, se propòse ua estratègia especifica de foment dera sua activitat economica de reequilibri des sectors der ensem d’Aran. Atau madeish, era possibilitat de reconeishement d’un règim urban de solèr entà Era Bordeta, laguens deth Plan Director, se condicione ara concrecion d’un projècte de reordenacion der airau actuau.

Eth procès d’elaboracion des plans directors urbanistics. Eth procès d’elaboracion des plans directors urbanistics.