Era lògo-mèrca pòrte associadi quate colors que hèn referéncia as quate productes toristics principaus qu’aufèrte era Val d’Aran: era nhèu, eth senderisme, era biciclèta de montanha e eth benèster ena montanha, aguesti tres darrèrs son promoigudi a compdar d’un projècte pilòt entre eth Conselh e Turespaña entara desestacionalizacion deth torisme aranés. Ath temps, aguesti tres productes compden tanben damb era sua pròpria mèrca, que servirà coma certificacion de qualitat des establiments e servicis que les aufèrten ena Val d’Aran.

Enguan, er acòrd damb Turespaña s’a renauit damb un pressupòst totau de 550.000 èuros. Cau díder qu’ei er unic convèni d’aguestes caracteristiques qu’er organisme public a mantengut en 2010 en conjunt der Estat.

Ath delà, Torisme a previst de daurir quate naui portaus webs especializadi enes mèrques (Val d’Aran, hiking, btt e wellbing). Segontes Serrano, “eth Conselh apòste per promocionar era Val d’Aran coma destinacion toristica a trauèrs d’internèt, perque entàs territòris petits coma aguest, internèt s’a convertit en un esturment massiu accessible entà posicionar-se toristicament”.

Aguestes mesures coïncidissen damb era metuda en marcha deth projècte entà crear un nau ens gestor deth torisme que permete era aplicacion de mesures de marketing e comercializacion des productes. Eth nau organisme se configurarà coma un esturment de collaboracion publica-privada que centrarà era sua activitat entà impulsar era competitivitat deth sector, era internacionalizacion e era desestacionalizacion dera destinacion.

Eth Conselh d’Aran a creat ua naua mèrca toristica. Eth Conselh d’Aran a creat ua naua mèrca toristica.