Era web, que compde damb eth supòrt deth Departament d’Agricultura dera Generalitat e era Deputacion de Lleida, mòstre es productes qu’en formen part: Patès deth Monge, Patès Tocineria Casanovas, Mèu Quate Lòcs, Mèu Eth Brinhon e Òlha Aranesa. Aguesti productes son hèti ena Val, segontes es recèptes establides, e compden damb ua qualitat contrastada, d’acòrd damb es critèris d’ua marca de garantia.
Aguest reconeishement balhe diferenciacion, potenciacion e proteccion ath producte, que se lo considère autentic. Ena actualitat, son 5 es productes includidi en aguest projècte, mès era pòrta ei dubèrta entà toti es productes que se i volguen híger.
Tot eth productor que complisque es condicions convengudes enes reglaments d’us a eth dret de poder utilizar era etiqueta dera marca. Era sua titolaritat ei deth Conselh e er organisme que se n’encuede ei era Comission de Seguiment e Certificacion.
Web entà promocionar es productes dera Val d’Aran. Web entà promocionar es productes dera Val d’Aran.
