Eth conselhèr de Miei Ambient e Pagesia , Francés Bruna, a explicat que “eth Conselh s’a auançat entà limpiar es pistes forestaus, pr’amor d’afrontar damb garanties era sason d’ostiu e facilitar er accès des persones as paratges mès concorregudi quan hè bon temps”.

Eth Govèrn aranés a començat a hèr eth repàs des camins damb retroexcavadora entara canalizacion der aigua e era extraccion de materiau acumulat coma arrames e pèires. Es operaris trabalhen entà retirar petiti esbaussi produsidi pera nhèu, eth desgèu o es ventades. Er objectiu d’aguesti trabalhs ei “daurir ath trànsit era màger part des pistes de cara ar ostiu”, segontes Bruna.

Es camins forestaus que se mielhoren son es d’Arròs – Hònt deth Sofre, Varradòs, Sant Joan d’Arròs e Vila, Uishèra, Margalida, Sauvaga, Artiga de Lin, Varicauva – Ròca de Sèrra – Artiga de Lin – Piusa, Santet de Gausac, Casau – Pomaròla, Betren (Tuca e Sarraèra), Escunhau, Salient, Valarties, Aiguamòg, Liat e Mont (Varradòs).

Camin forestau. Camin forestau.