Ena actualitat, era ACA, per miei dera empresa deth Conselh SAVA S.L., desvolope mielhores en diuèrsi punts der arriu Garona e enes barrancs d’Unhòla, Corilha e Valarties, corresponentes ath programa de manteniment e conservacion des arrius 2009 – 2010. Era inversion qu’enguan destine era Generalitat entad aguestes actuacions ei de mès de 80.000 èuros.

Atau madeish, eth Govèrn catalan a aprovat eth programa entà 2011, qu’includís era sollicitud deth Conselh Generau entà mantier er arriu Garona enes tèrmes municipaus de Vielha – Mijaran e Es Bòrdes, en tram comprenut entre eth pònt de Vielha e eth pònt de Es Bòrdes. Aguest mielhora ei prevista d’executar a compdar de 2011 damb un pressupòst iniciau de 55.000 èuros.

Eth sindic a declarat que “damb aguestes accions enes arrius, demoram mielhorar era foncionalitat idraulica des corsi fluviaus d’Aran, ath còp que mantenguem e protegim es sòns valors mieiambientaus”. D’aguesta forma, s’aurà intervengut ena màger part des arrius dera Val d’Aran, en tèrme de tres ans.

Pònt EsBòrdes. Pònt EsBòrdes.