Aguesta actuacion de supòrt ara ramaderia extensiva de nauta montanha a comportat era contractacion d’un nau pastor, eth francés Cristian Rumeau, escuelhut pera comission de ramadèrs deth programa. Tanben s’an condicionat ua cabana e dus mòduls prefabricats, damb energia solar, aigua e lum, e s’an installat es pletius, cargadors e barratges, un entà procedir as cures e un aute plaçat en un airau qu’aufrís bones condicions de suenhament e damb ua capacitat entà 3.000 caps. Amassa damb era collaboracion des EMDs de Bagergue e Unha, eth Conselh Generau a tornat a escuélher era ribèra pera sua baisha incidéncia d’atacs d’os, en comparança damb uns auti airaus d’Aran.

Francés Bruna s’a mostrat satisfèt pera consolidacion deth programa, que comencèc en 2008 coma pròva pilòt, e a soslinhat eth besonh de seguir damb eth supòrt ath sector des pagesi, pr’amor dera sua “activitat insustituïbla entar equilibri der ecosistèma, era conservacion deth paisatge e era qualitat dera sua prumèra matèria entara produccion de productes dera tèrra”.

Ramat Ramat.