A compdar d'aguest acòrd, era maxima institucion aranesa aportarà 20.000 èuros entath finançament des despenes derivades dera organizacion dera arribada e gessuda dera Vuelta Ciclista es dies 7 e 8 de seteme en andús municipis. Dera quantitat aportada, 12.000 èuros corresponen a ua subvencion dirècta, despartidi ath 50 % entà cada ajuntament, e era rèsta der impòrt servirà entà curbir es despenes des servicis balhats en concèpte de transpòrt sanitari e emergéncies.
Eth sindic Francés Boya a explicat que "eth Conselh Generau a volut formalizar damb aguest convèni eth sòn esperit de collaboracion damb es ajuntaments organizadors der eveniment", e a desirat "ua bona organizacion entà hèr possible qu'era Vuelta Ciclista devengue un esturment de promocion toristica tant entàs municipis de Vielha e Naut Aran coma entar ensem deth territòri".
convèni de collaboracion Francés Boya a signat aué un convèni de collaboracion dera 'Vuelta Ciclista'.
