Er objectiu ei “plaçar en valor era data deth 17 de junh e eth sòn significat coma Hèsta d’Aran damb era idia de galardonar annaument eth trabalh e trajectòria de persones o entitats vinculades ara Val d’Aran” enes categories de Cultura, Espòrts e Promocion Economica (Torisme e Comèrç), atau coma a explicat era cap de Cultura e Politica Lingüistica, Maria Vergés.
Es Prèmis s’autrejaràn en ua serada de gala eth ser deth 16 de junh. En aguesta serada s’autrejaràn tanben es prèmis literaris der Aran de literatura e eth Condò (adults e infantil, respectivament). Eth guerdon que s’entregarà as premiadi serà ua figura en bronze que represente a Blancaflor, era protagonista dera legenda dera Maladeta, qu’er escrivan mossen Jusèp Condò transcriuec ar aranés. “Blancaflor simbolize era volentat d’un pòble, er aranés, generós e acuelhedor que vò mantier-se ath long deth temps”, en paraules de Vergés.
La imatge dels premis. La imatge dels premis.
