Aguesta prumèra fasa entà prebotjar eth Centre BTT, deth quau ei titular eth Conselh Generau, a compdat damb ua inversion de 28.000 èuros. Ath delà, eth sindic d’Aran, Francés Boya, a signat aué eth convèni de collaboracion damb Copos, S.L., qu’ei era empresa responsabla d’implantar eth Centre BTT per miei dera ordenacion deth Punt d’Acuelhuda.

Eth Sindic a manifestat que “damb aguest saut, eth Conselh Generau complemente era ofèrta toristica en tot seguir es objectius de melhorar-ne era qualitat e de hèr front ara crisi economica”. En aguest sens, a anonciat qu’era maxima institucion “ei en procès d’analizar projèctes que promòiguen ues autes activitats de montanha coma eth senderisme”.

Aguest convèni permeterà melhorar e ampliar eth Centre BTT, sustot en çò que tanh ara ampliacion deth numèro e des quilomètres des itineraris. Deth totau des sèt rotes existentes, se passe as 26 projectades, que supòsen un saut de 110 quilomètres a mès de 430 de recorrut.

Operaris acabant la senyalització. Operaris acabant la senyalització dels itineraris.