Eth talhèr sus tecniques entara interpretacion deth Patrimòni aurà lòc deth 15 ath 17 de mai e serà impartit peth prestigiós professor Jorge Morales, consultor en Interpretacion Ambientau e deth Patrimòni. Se tracte d’un talhèr de classes teoriques e activitats en grop.

Atau madeish, eth Conselh Generau a programat un cors de guida d’interpretador deth Patrimòni Aranés, qu’apregondís era formacion ena interpretacion der auviatge coma procès creatiu de comunicacion estrategica. Eth cors se despartís en tres mòduls formatius: a) Auviatge e bens d’interès culturau dera Val d’Aran (35 ores); b) Espacis Naturaus e d’auti bens d’interès naturau dera Val d’Aran (35 ores); e c) Comunicacion, dinamiques e assisténcia a grops (20 ores). S’impartirà per tecnics dera maxima institucion pendent es dies 22 e 23, 29 e 30 de mai e es dies 5 e 6 de junh, damb orari de 16.00 ores a 20.00 ores, es diuendres, e es maitins e tardes, es dissabtes.