Eth vicesindic prumèr e conselhèr de Finances e Administracion Publica, Rufino Martínez , a explicat que “a despièch des dificultats economiques que patissen es administracions, eth Conselh Generau d’Aran a podut mantier un important esfòrç inversor entar an 2011”. Martínez l’a atribusit, en part, ara prorròga der acòrd de finançament, que permet ua transferéncia de 28 milions d’èuros ath Conselh per part dera Generalitat.

Eth pressupòst destinat ara salut a pujat en un 5,5 %, en tot plaçar-se enes 13,4 milions d’èuros, mentre qu’es compdes entà accion sociau, coma es politiques d’atencion domiciliària, centre de discapacitats e ajudes d’urgéncia sociau, artenhen enguan 2,2 milions d’èuros.

Er impòrt totau de Salut e Benèster some 15,6 milions d’èuros, que representen lèu era mitat deth pressupòst generau, hèt que met de relèu, segontes eth conselhèr, “era fòrta apòsta deth Govèrn d’Aran damb es politiques sociaus”.

En aguest sens, eth Conselh Generau a abilitat ua partida de 290.000 èuros entath foment deth trabalh, que supòse un increment deth 42 % respècte de 2010 e que “ajudarà a implementar es plans ocupacionaus e contribusir ara dinamizacion dera economia deth país”.

Eth pressupòst generau a estat aprovat damb eth vòt favorable des grops d’Unitat d’Aran e PRAG e era abstencion de CDA.

Eth Conselh a aprovat aué eth sòn pressupòst generau entà 2011. Eth Conselh a aprovat aué eth sòn pressupòst generau entà 2011.