Francés Boya a rebrembat qu’era òbra se poderà amiar a tèrme per acòrd ath quau arribèc eth Govèrn aranés entà segregar deth projècte globau era mielhora d’aguest tram, “atenuda era urgéncia d’apariar ua infraestructura vitau entàs connexions damb Baquèira”.
Eth Sindic, que demore qu’es òbres comencen tan lèu eth temps ac permete, a assegurat qu’aguesta intervencion “supòse un pas destacable ena mielhora generau des carretères qu’afècten Aran”, en tot somar-se as mielhores dera N–230 entre Vielha e eth tunèl, qu’eth Ministèri de Foment començarie a executar a compdar d’enguan, e des vies locaus d’accès as pòbles, qu’eth Conselh condicionarà enes pròplèu mesi.
