Eth sindic a arregraït era contribucion des entitats e persones que de forma “discrèta e tenaç” an fomentat er usatge sociau der aranés, atau coma deth Parlament e eth Govèrn dera Generalitat, qu’an amiat entà dauant ua lei que “reconeish e empare era lengua d’un pòble que la vò seguint aportant ara umanitat coma eth sòn mielhor tresaur”. En aguest sens, Boya a persutat que damb aguesta norma “se defen tanben era identitat d’Aran”.

Era lei, aprovada damb es vòts favorables deth PSC, ERC, ICV e CiU e eth vòt contrari de PP e Grop Mixt, regule er usatge der aranés enes institucions pròpries d’Aran e ena Generalitat, que en aguest territòri, coma eth Conselh Generau e es ajuntaments, aurà d’utilizar enes relacions damb es ciutadans e es sòns acòrds.

Er aranés serà d’usatge normau en aguesti organismes, e tanben enes mieis de comunicacion, era toponímia e er ensenhament (a on ei lengua “veïculara e d’aprenedisatge”). Era norma compde damb er aval deth Conselh de Garanties Estatutàries, a despièch qu’aguest organ recomane interpretar eth tèrme “preferent” coma mesura de foment e proteccion der aranés.

Era iniciativa complís er Estatut, que declare era oficialitat der aranés en Catalonha. Er organisme, autonòm, que en fixe es regles ei er Institut d’Estudis Aranesi.

Eth Parlament de Catalonha a aprovat aué era lei der aranés. Eth Parlament de Catalonha a aprovat aué era lei der aranés.