Francés Boya a rebrembat es declaracions de Puigcercós quan assegurèc que "Aran non serà pròpriament ua vegueria, pr'amor qu'aguesta ei ua forma catalana" e que "se relacionarà dirèctament damb era Generalitat, sense passar pera vegueria de Naut Pirenèu".
En aguest sens, eth Sindic se pregunte quina ei reaument era volentat d'ERC, pr'amor que Puigcercós afirmèc qu'era sua volentat ère "qu'Aran non se tròbe respècte a Catalonha coma Catalonha se tròbe respècte a Madrid", en tot híger que "s'a de trencar aguest cercle viciós e s'a de començar a balhar ara Val çò que voleríem (es catalans) entà nosati madeishi e establir es claus entà qu'es aranesi non agen d'èster tostemp en tot regatejar".
Eth sindic d'Aran, Francés X. Boya. Imatge del sindic d'Aran, Francés X. Boya.
