“Enguan, damb un totau de 1.770 comensaus e 23 restaurants, a estat er an en qué mès restaurants an participat”, a informat Juan Antonio Serrano.
Ath madeish temps, pendent totes es dimenjades dera Mòstra, 24 otèls d’Aran an aufrit 54 paquets de dues nets de lotjament damb esdejoar, entrada diuendres e gessuda dimenge, e dus minjars en restaurants participants dera Mòstra.
Coma nauetat, Torisme Val d’Aran a aufrit ua excursion de senderisme as persones damb resèrves de paquets gastronomics.
Eth conselhèr Serrano a felicitat as organizadors per ua Mòstra “exitosa” qu’a tornat a compdar damb eth lit coma producte estrelha e a manifestat era sua volentat de potenciar-la “damb naues inicitaiues gastronomiques pr’amor que deven ua bona oportunitat entà dar a conéisher es productes dera tèrra atau coma era especificitat deth país”.
