Acompanhadi deth conselhèr de Miei Ambient e Pagesia deth Conselh Generau, Francés Bruna, an visitat es installacions dera hormatgeria de Bagergue Hormatges Tarrau, que recuperarà er hormatge tradicionau dera Val d’Aran.

Aguesta hormatgeria forme part d’un corròp de projèctes qu’an coma objectiu fomentar era activitat agricòla e ramadèra, en tot incentivar procèssi d’elaboracion de productes autoctòns. En aguest sens, eth Departament d’Agricultura, Alimentacion e Accion Rurau a aportat, en collaboracion damb era maxima institucion, ua subvencion de 25.000 èuros pendent 2008 entara metuda en foncionament de projèctes coma era recuperacion des arradimères, era recuperacion de frutièrs tradicionaus d’Aran e era creacion de dues hormatgeries.

Per un aute costat, eth Govèrn aranés ei en procès de tramitar ua mèrca de garantia entà comercializar es productes alimentaris de qualitat que s’elabòren en Aran. Es mesures s’emmarquen laguens dera estratègia deth Conselh entà dar viabilitat a sectors importants coma eth dera pagesia e cercar naues formes de desvolopament que dan valor hijut ara economia aranesa. Atau madeish, tant eth sindic Boya coma eth conselhèr Llena an coincidit en destacar qu’es mesures entà promocionar es productes autoctòns ajuden tanben a vertebrar eth país.

Eth Sindic e eth conselhèr Llena. Eth Sindic e eth conselhèr Llena.