Entar actuacion, s’a procedit ath desmontatge e traslat des pèces ath Centre de Restauracion de Bens Mòbles dera Generalitat de Catalonha, en Valldoreix, a on eth personau especializat dera empresa TdArt amiarà a tèrme es trabalhs de restauracion.
Eth procès s’encetarà damb era desinfeccion e era fixacion des coches de preparacion e pictoriques de cadua des òbres. De contunh, se realizarà er assolidament deth supòrt e era neteja dera lordèra e repintats qu’actuaument emmascaren era superfícia pictorica. Tanben ei prevista era reposicion de quauques mòtlures e d’auti elements ornamentaus desapareishuts e era reintegracion pictorica de besonh entà perméter era corrècta lectura des òbres. Atau madeish, era presentacion definitiva des pèces ena capèla serà era pròplèu primauèra.
Retaule capèla deth Rosèr de Mont Retaule capèla deth Rosèr de Mont.
