Eth Govèrn d’Aran destaque qu’era creacion d’aguest grop se derive dera manca de proteccion damb qué s’an trobat es activitats relacionades damb era montanha, coma era ramadèra e era cinegetica, d’ençà dera introduccion der os. En collaboracion damb era Generalitat e eth Ministèri de Miei Ambient e Miei Rurau e Marin, eth Conselh Generau, contrari ara preséncia der os en territòri, confide en qué eth nau grop pogue contribuir ara obtencion de mès informacion e eth contròtle constant des moviments der animau pes montanhes, pr’amor dera situacion actuau d’inseguretat e incompatibilitat.

Per un aute costat, eth Govèrn aranés a tornat a méter en marcha enguan eth plan d’agrupacion de ramats, qu’amasse en Montoliu (Bagergue e Unha) a un totau de 1.700 caps de bestiar ovin e crabun de 19 propietaris aranesi. Er objectiu dera mesura ei garantir era perviuença dera activitat ramadèra ena montanha e suenhar eth bestiar des atacs dera fauna sauvatja.

Era actuacion se desvolope damb era susvelhança deth Conselh. Era actuacion se desvolope damb era susvelhança deth Conselh.