Es collectius signants se higen atau ara mocion aprovada eth passat dimars en session plenària qu’exigís era “retirada immediata” dera ossa Hvala e demanen tanben que se garantize “eth liure accès e gaudi der entorn naturau”, atau coma des profitaments forestaus, cinegetics de caça e pesca, de peisheus e d’interès toristic e esportiu.
Era declaracion, qu’avertís sus era “reaccion mediatica totaument dehòra de lòc”, ei signada peth Grèmi d’Ostalaria dera Val d’Aran, eth Grèmi de Comèrç d’Aran, Deportur, Aplec deth Bolet, Societat de Caça e Pesca dera Val d’Aran, Societat de Caça e Pesca de Naut Aran, Associacion Agropecuària d’Aran, Associacion Criadors Shivaus d’Aran e Associacion Defensa Sanitària dera Val d’Aran.
