Era delegacion francesa a estat formada per onze periodistes de diuèrsi mieis de comunicacion deth país gal, tant d’informacion generau coma d’informacion sectoriau en encastre deth torisme. Atau madeish, un equip d’ua television russa a realizat reportatges sus es activitats qu’en matèria de torisme actiu aufrís era Val d’Aran, que s’emeteràn en un coneishut programa d’aguest canau de television.

Per un aute costat, Torisme Val d’Aran a collaborat damb eth programa televisiu de viatges Nos vamos, que s’emitís en tot er Estat per miei de Localmedia entà un totau de mès de 200 emissores locaus e se distribusís tanben en 100 canaus d’àmbit estatau. Eth programa se centre ena ofèrta gastronomica, comerciau, d’otèls e restauracion atau coma des activitats d’aventura e montanha dera Val d’Aran e mòstre tanben es lòcs d’interès entà visitar, en tot aufrir ua perspectiva dispariona respècte des programes convencionaus de torisme.

Equip deth programa dera television russa. Equip deth programa dera television russa.