Era iniciativa se harà efectiva per miei d’abonaments especiaus qu’expedirà eth Conselh as persones que presenten un grad de minusvalidesa deth 33 % o superior. Era sollicitud der abonament se poderà hèr a compdar deth 19 de noveme, entara quau cau portar eth DNI, eth certificat d’empadronament e era certificacion de reconeishement deth grad de disminucion qu’autrege er Institut Català d’Assistència i Serveis Socials (ICASS) deth Departament d’Accion Sociau e Ciutadania dera Generalitat.
Eth conselhèr Serrano a explicat “qu’ei prioritari entath Govèrn garantir er accès gratuït deth transpòrt public entad aqueri que mès ac an de besonh, coma es nòsti grani e era gent damb un grad d’autonomia limitada”. Serrano s’a mostrat fòrça satisfèt per ua mesura que “visualize era apòsta deth Govèrn pes politiques que supòsen un benefici sociau entath país”.
Transport públic Transport públic Aran.
