Era conselhèra a estat acompanhada deth director des Servicis Territoriaus deth Departament d’Interior, Relacions Institucionaus e Participacion, Àngel Joval, e era secretària deth Conselh dera Gent Grana de Catalunya, Carme Canela.

Noelia Costa a informat que “era amassada a estat tot un èxit de participacion, causa que mos a animat a qu’Aran participe activament en Conselh dera Gent Grana de Catalunya”. Aguest organ consultiu de participacion des persones granes ei format per setanta persones, que representen eth territòri segontes era distribucion comarcau, ath delà de d’auti membres e entitats.

Era conselhèra a significat “era activitat qu’en Aran amien a tèrme associacions coma era dera gent grana de Bossòst o eth Casau de Jubilats de Vielha”. Aguest hèt demòstre, segontes Costa, que “era Val compde damb persones granes plan actives e interessades en possar era sua participacion publica, promòir era sua autonomia e aportar era sua experiéncia ath conjunt dera societat”.

Fòto dera trobada damb era gent grana d’Aran. Fòto dera trobada damb era gent grana d’Aran.