Eth Sindic s’a mostrat satisfèt pes donades e a destacat qu’eth sector otelèr “a estat ara nautada des expectatives deth sector e es clients”. Boya s’a referit as factors clau qu’an permetut aguesti increments, coma son era “possada deth torisme de proximitat en temps de crisi, eth bon temps d’aguest ostiu e era apòsta publica e privada pera promocion deth senderisme, era BTT e eth benèster ena montanha”.
En totau, era oficina de Torisme a acumulat 15.000 atencions pendent eth mes de junshèga e era prumèra quinzena d’agost, que supòsen un aument de 3.000 persones. Enes casetes d’Aiguamòg e Valarties aurien passat, sonque en mes de junhsèga, mès de 4.500 toristes (mès de 1.400 respècte de 2008). Tanben s’a duplicat eth pas de ciclistes en aguesti dus airaus pendent eth mes de junhsèga, en tot passar de 120, en 2008, a 262, en 2009.
Estanh Long. Estanh Long.
