Er objectiu dera prolongacion enquia deman, 27 de deseme, ei balhar continuïtat ara hèira pendent es vacances de Nadau en tot profitar era infraestructura e era afluéncia de visitaries dera dimenjada e Sant Estèue, hèsta en Catalonha.
Eth vicesindic 3au e conselhèr de Torisme, Comèrç e Transpòrt, Juan Antonio Serrano , a defenut eth besonh d’amiar a tèrme iniciatives coma Aran Market, que se celèbre per prumèr còp dempús dera edicion d’ostiu, entà “promocionar e revitalizar eth sector, damb especiau emfasi en temps de crisi economica”. “Aran Market ei un petit tast que servís entà dar a conéisher era qualitat e eth bon servici qu’aufrís eth comèrç d’Aran, un actiu plan important entara nòsta economia e un actractiu indispensable entà refortir e consolidar era nòsta ofèrta toristica”, a explicat.
