Societat

Aran se posicione coma destinacion de referéncia en ciclotorisme e BTT

ARA A PORTADA

Daniel Palau no s'oposa al vel: «Tots els símbols religiosos han de poder ser expressats amb normalitat» Àlvar Llobet i Sotelo
Daniel Palau, un seguidor de Francesc a Lleida: així és el primer bisbe català de Lleó XIV Pep Martí i Vallverdú
El primer Aplec: l’origen d’una tradició Àlvar Llobet i Sotelo
El Parlament demana més trens entre Lleida i Montsó i reobrir estacions a Almacelles i Raimat Redacció
Detecten un linx ibèric en llibertat a l'oest de Catalunya Arnau Urgell i Vidal

Redacció

Publicat el 26 de juliol de 2009 a les 12:13

Er aument de practicants met de relèu “er encèrt deth diagnostic deth plan entara desestacionalizacion deth torisme aranés”, en paraules de Serrano, entà qui “tot just ara se comencen a méter es bases entà qu’era Val d’Aran se convertisque pògapòc en ua destinacion de referéncia en encastre des activitats de montanha”. En aguest sens, a persutat en qué “demore fòrça camin a recórrer e fòrça factors a trabalhar entre era administracion e eth sector”. Tanben a hèt mencion ara dinamizacion dera activitat deth senderisme que “comence a veir tanben es sòns fruts”.

Tant eth nau Centre de BTT dera Val d’Aran, prebotjat peth Conselh Generau damb un totau de 400 quilomètres, coma es productes Pedals de Foc e Pedals d’Occitània, hèn d’Aran un punt de trobada entàs aimants des grani rèptes dera BTT.

Ath delà, eth Govèrn d’Aran promocione eth ciclotorisme per miei deth marcatge de sèt pòrts de montanha deth territòri, a on s’an plaçat pannèus informatius sus era distància deth recorrut, es nautades de gessuda e arribada e es percentatges de desnivèu. D’aguesta forma, “Aran deven er unic territòri de Catalonha senhalizat de forma integrau en toti es sòns paratges”, segontes eth conselhèr de Torisme.

En totau, s’an senhalizat es pòrts d’Aubèrt – Bassa d’Oles, Bossòst – Arres, Bossòst – Portilhon, Es Bòrdes – Artiga de Lin, Pònt d’Arròs – Varradòs, Pònt d’Arròs – Vilamòs, Baquèira – Beret. En sòn ensem, somen 65 senhaus damb un totau de 57 quilomètres.

Entà completar era aufèrta, es aimants des rèptes pòden gaudir d’un nau producte ar entorn deth ciclotorisme, nomentat Lo défi occitan. Se tracte d’ua ruta de 197 quilomètres damb 4.500 mètres de desnivèu positiu, damb gessuda e arribada en Vielha e que passe per quaqu’un des pòrts mès importants d’Aran, coma eth Plan Batalhèr e eth guardader d’Arres. Er itinerari pòt realizar-se en un o dus dies. Ath delà se facilite un forfait que mèrque es diuèrsi passi controtlats ath long deth recorrut. Entà mès informacion se pòt consultar eth portau web www.ledefioccitan.com.