Francés Boya e Núria de Gispert s’an emplaçat a impulsar ua naua Lei d’Aran damb era concertacion de totes es fòrces politiques. Eth sindic a declarat qu’era reforma “s’aurie d’amiar entà dauant pendent aguest an 2011”. En aguest sens, Boya a rebrembat que “ja existís un document de consens entre es grops aranesi”.
Eth sindic d’Aran a artenhut tanben eth compromís dera presidenta deth Parlament entà mantier era Oficina d’Aran en Parlament, creada ena passada legislatura. Aguesta oficina s’encuede de susvelhar es drets der autogovèrn aranés ena cramba catalana.
Atau madeish, eth sindic demore qu’era naua Lei der occitan, aranés en Aran se pogue desplegar damb tota normalitat, a despièch des mesures de contencion dera despena e contròtle deth deficit.
Boya s’a entrevistat aué damb era presidenta deth Parlament de Catalonha. Boya s’a entrevistat aué damb era presidenta deth Parlament de Catalonha.
