Andús representants an acordat de possar un plan director de Patrimoni e començar a definir tanben un plan d’equipaments que dongue respòsta as besonhs de creacion e difusion dera cultura. Damb er objectiu de garantir mès recorsi, se desvoloparà a compdar de 2010 un nau plan de finançament dera competéncia de cultura, traspassada entath Conselh en 1990.

Atau madeish, eth conselhèr Tresserras s’a comprometut a “assegurar ua major preséncia der aranés enes mieis de comunicacion damb era finalitat de garantir-ne eth sòn usatge en marc sociau e culturau”. Dempús dera amassada en Conselh, eth Sindic e eth conselhèr, acompanhadi dera cap de Cultura e Politica Lingüistica, Maria Vergés, atau coma des tecniques deth Departament, s’an desplaçat entath Musèu de Vielha e an visitat tanben eth campanau dera glèisa de Salardú e era glèisa de Santa Maria d’Arties.

Boya e Tresserras Boya e Tresserras.